Kinuha niya ang isa pang cellphone niya.
Sa Live Stream, nagwawala na ang mga viewers.
“Hala! Anyare sa bewang?!”
“Scam si Ateng!”
“Hala naka-live pa siya! Sabihan niyo!”
“Wait, anong orderin niya?”
Tinawagan ni Saskia ang suki niyang Noodle House. Naka-loudspeaker.
“Hello? Aling Nena?” sigaw ni Saskia. “Si Sas ‘to! O-order ako! Gutom na gutom na ako, kanina pa ako nagpapanggap na busog dito!”
“Ano order mo Sas?” tanong sa telepono.
“Padalhan mo ako ng Pancit Malabon. Yung Bilao. Yung Family Size!”
Tumigil siya sandali.
“Ay teka, bitin ‘yun. Gawin mong dalawang Bilao!” utos ni Saskia. “Oo, dalawa! Yung isa, puro toppings ha? Damihan mo ng chicharon bulaklak at itlog! Tapos padagdag na rin ng isang order ng Lumpiang Shanghai at Crispy Pata! Bilisan mo, nanginginig na ako sa gutom!”
“Diet ka ‘di ba?” tanong ni Aling Nena.
“Diet mo mukha mo! Bukas na ako magda-diet! Dalhin mo na dito at baka makain ko pati yung rider!”
Pagbaba niya ng telepono, umupo siya sa sofa, nakabukaka, habang kinakamot ang tiyan niya.
“Yaya! Ihanda mo na yung Coke! Yung 1.5 Liters! Ayoko ng Diet Coke, lasang gamot! Yung Original!”
Habang hinihintay niya ang pagkain, napansin niya na parang ang daming nag-no-notify sa isa niyang cellphone—yung ginamit niya pang-Live.
“Bakit ang ingay nito?” bulong ni Saskia.
Lumapit siya sa ring light. Tinignan niya ang screen.
Nakita niya ang sarili niya: Walang filter, nakaluwa ang tiyan, gulo-gulo ang buhok, at may hawak na pitsel ng tubig.
Sa baba, nakita niya ang Viewer Count: 150,000 Watching.
At ang mga comments:
“PAHINGI PANCIT!”
“TWO BILAO REVEAL!”
“SEXY TUMMY TEA PA MORE!”
“CRISPY PATA IS LIFE!”
Nanlaki ang mata ni Saskia. Nahulog ang panga niya.
Sa sobrang gulat, hindi niya napatay ang live. Sa halip, dahan-dahan siyang ngumiti sa camera, nag-peace sign, at sinabing:
“Hehe… Cheat Day ko lang po ngayon guys… Sponsor ko rin po si Aling Nena…”
End Stream.
Kinabukasan, trending si Saskia. Hindi dahil sa tea, kundi dahil sa #PancitQueen. Nawalan siya ng endorsement sa tea, pero kinuha siyang endorser ng Mang Inasal at Lucky Me. Mas lalo pa siyang sumikat dahil sa wakas, naging “totoo” siya—isang babaeng mas gusto ang dalawang bilao ng pancit kaysa sa mapait na tsaa
“Haaay! Salamat! Makakahinga na rin! Papatayin ako ng suot ko eh!”
