HINDI AKO PINABAYAD NI MANONG SA JEEP DAHIL MAGANDA DAW AKO PERO BINIGYAN NYA AKO NG FB ACCOUNT NG KANYANG ANAK NA SINGLE DAD
DEAR KUYA MID,
Sobrang saya ko pa sana nung moment na ’yon eh.
Sumakay ako ng jeep, siksikan, pawis-pawis, tapos sakto lang talaga pamasahe ko. Nung mag-aabot na ako, biglang ngumiti si Manong Driver. Yung ngiting may halong hiwaga. Sabi niya, “Ay, iha, hindi ka na magbabayad.”
Ako naman, hala???
Sabi ko, “Ha? Bakit po?”
Sagot niya, “Maganda ka kasi.”
EH DI WOW.
Sa isip-isip ko, Lord, ganito pala feeling ng paborito Mo. Feeling ko bigla akong bida sa indie film. Umupo ako nang tuwid, nag-ayos ng buhok, tapos tahimik na nagpasalamat sa libreng sakay. Iniisip ko na agad kung anong bibilhin ko sa natipid kong pamasahe,extra rice? milktea? investment sa future?
Pero hindi pa pala doon nagtatapos ang lahat.
Habang umaandar ang jeep, panay ang silip ni Manong sa akin sa salamin. Akala ko naman proud lang siya sa desisyon niyang hindi ako singilin. Bigla niyang sinabi, “Iha, may ipapakilala sana ako sa’yo.”
Ako: ay hala, character development.
Sabi ko, “Ay ano po ’yon?”
Tapos doon na bumagsak ang lahat ng pangarap ko.
“Yung anak ko kasi… single dad.”
BIGLANG NAG-SLOW MOTION ANG BUONG BUHAY KO.
Yung libreng pamasahe ko, parang gusto ko na ibalik. Yung ngiti ko, napalitan ng panic. Yung kaluluwa ko, bumaba na sa next stop kahit hindi pa ako.
Sabi pa niya, “Mabait ’yon, may trabaho, tsaka gwapo rin.”
Sabay abot ng papel. FB ACCOUNT NG ANAK NIYA.
AKO NA NAKAUPO LANG: 
Sa isip ko: Kuya, sumakay lang po ako, hindi po ako nag-apply ng lifetime role.
Gusto ko sanang bumaba agad pero puno ang jeep. Nakatanggap na pala ako ng libreng pamasahe na may kasamang emotional package at potential stepmom responsibilities.
Ngumiti na lang ako nang pilit, tinanggap ang papel, tapos bumaba ako sa tamang babaan na parang may dalang malaking sikreto. Pagbaba ko, napa-isip ako…
Libre nga ang pamasahe, pero may kapalit pala.
Hindi pala lahat ng blessing, walang follow-up interview.
Kaya sa susunod, magbabayad na lang talaga ako.
Mas mura pa ang pamasahe kaysa sa biglaang “Iha, ipakikilala kita sa anak kong single dad.”